ჩვენ შესახებ

ჩემო ძვირფასებო! კვარაცხელიას გამორჩეული გვარის ტარება პატივია და უდიდესი პასუხისმგებლობაც! დიდება უფალს, რომ ეს გვარი ჩვენს წინაპარს არგუნა და თითოეული კვარაცხელია მას ღირსეულად ვატარებთ.

უამრავი ლეგენდა არსებობს ჩვენი გვარის ისტორიის შესახებ. ზოგი მისაღებია, ზოგიც — არა, ამიტომ ვგეგმავთ, სპეციალისტების ხელშეწყობით მოვიძიოთ დოკუმენტები და დავადგინოთ ჭეშმარიტება.

ისტორია

გვიყვარს ყველა, ვინც ამ გვარს ატარებს და უფრთხილდება. წლების წინ ბატონმა გრამიტონ კვარაცხელიამ მოგვარეებთან ერთად შექმნა საგვარეულო კავშირი „გვარი და გვარიშვილობა“. სამმა დამფუძნებელმა და გამგეობის წევრებმა უამრავი რამ გააკეთეს. მადლობას მოვახსენებთ მათ უანგაროდ გაწეული კეთილშობილური საქმიანობისათვის.

საგვარეულო კავშირმა გამოსცა წიგნი, დაიწერა თამარ მეფის ხატი, რომელიც სამების საკათედრო ტაძარშია დაბრძანებული, და ყოველი წლის 31 მაისს კვარაცხელიები სამებაში ვიკრიბებით, ვესწრებით პარაკლისს, პატივს მივაგებთ ჩვენს წინაპრებს, სამშობლოსა და კვარაცხელიებს.

აღდგენა

2016 წლის 15 იანვარს ბატონი გრამიტონი გარდაიცვალა. წლების განმავლობაში გარდაიცვალა გამგეობის რამდენიმე წევრი და მეორე დამფუძნებელიც. სამწუხაროდ, კავშირმა ფუნქციონირება შეწყვიტა, გავიდა რამდენიმე წელი, კვარაცხელიებიც დავიფანტეთ. გული გვწყდებოდა, რომ გვარის კავშირი აღარ მოქმედებდა.

დიდი ხნის ლოდინისა და ფიქრის შემდეგ შევიკრიბეთ კვარაცხელიები, შევქმენით საინიციატივო ჯგუფი, მოვამზადეთ წესდება და დავაფუძნეთ ახალი ააიპ „ჩვენ კვარაცხელიები“, რადგან ძველი კავშირის აღდგენის უფლება არ გვქონდა.

2025 წლის 7 ივლისს სსიპ საჯარო რეესტრის ეროვნულმა სააგენტომ რეგისტრაციაში გაატარა კავშირი „ჩვენ კვარაცხელიები“ და ჩვენი უფლებამოსილება ცნო.